बझाङमा प्लस टु पढाउने खेताला शिक्षकको योग्यता नै १२ पास
बझाङको सुर्मा गाउँपालिकामा रहेको सुर्मा माध्यमिक विद्यालयमा कक्षा ११ र १२ पढाउने एक जना खेताला शिक्षक छन् । खेताला राखिएका शिक्षकको योग्यता नै १२ पास रहेको खुलेको छ ।
विद्यालय व्यवस्थापन समितिका अध्यक्ष, वडाध्यक्ष, प्रधानाध्यापक र शिक्षा शाखा प्रमुखको मिलेमतोमा खेताला शिक्षक राखेको अभिभावकको भनाई छ । १२ सम्म पढाउने शिक्षक नै १२ पास गरेको खुलेको छ । यस अघि पनि सुर्माका अधिकांश विद्यालयमा खेताला शिक्षक राखेर शिक्षकहरू धनगढी काठमाडौँ गएर बस्ने गरेका थिए ।
अभिभावकले गाउँपालिकालाई यो विषयमा जानकारी गराएपछि ५ महिना अघि मात्रै धेरै जसा शिक्षकहरू विद्यालयमा हाजिर भएका थिए । शिक्षा नियमावली अनुसार १२ कक्षा सम्म पढाउन सम्बन्धित विषयमा स्नातकोत्तर पास भएको हुनु पर्ने प्रावधान छ । तर खेताला शिक्षक राख्न नपाउने र योग्यता नपुगेका शिक्षकबाट पठनपाठन गराउनु नियमावली विपरीत भए पनि शिक्षा शाखा प्रमुख र स्थानीय सरकार भने मुखदर्शक बनेका छन् ।

बचन राज जोशी यस कामना टेलिभिजन तथा कामना टेलिभिजन बाट सञ्चालित अन्लाईन पत्रीकाका सञ्चालक अध्यक्ष हुनुहुन्छ । उहाँ विभिन्न क्षेत्रमा कलम चलाउनुहुन्छ ।
सम्पर्क नम्बर – ९८५८४८८०२४
