अखिल अनेरास्ववियु कैलालीद्वारा मनोमानी भाडा नियन्त्रणका लागि ध्यानाकर्षण पत्र बुझाइयो ।

धनगढी – सुदूरपश्चिमका पहाडी भेगका बस्तीमा जाने प्रायः सबै सडकको अझै स्तरोन्नति हुन सकेको छैन । दशैँ नजिकिए संगै दशैँ मान्न घरजाने यात्रुहरूको संख्या दिनानुदिन बढ्दै गइरहेको छ । दशैँमा यात्रुको चाप बढेका बेला पहाडी सडकमा चल्ने साना तथा ठूला गाडीले मनोमानी भाडा असुलेको पाइएको छ ।
चालकसहित २६/२८ जनाको सिट क्षमता भएका गाडीले पनि ४०/४२ जनाभन्दा बढी यात्रु बोक्ने गरेका छन् । चाडपर्व नजिकिएसँगै गाडीले यात्रुसँग असुल्ने भाडाको त झनै कुरा गरिसक्नु छैन ।
यात्रुको भार त छँदैछ, खाद्यान्न, लत्ताकपडालगायतका सामानको भार पनि उस्तै हुन्छ । यसरी नै जोखिम मोलेर यात्रा गर्न यात्रु पनि बाध्य छन् ।

आज अखिल राष्ट्रिय स्वतन्त्र विद्यार्थी युनियन कैलालीले गाडिको मनोमानी भाडादर बढिरहेकोले ध्यानाकर्षण गराउन तत्कालीन भौतिक पुर्वाधार मन्त्री दिर्घ सोडारिलाइ अखिल राष्ट्रिय स्वबियु कैलालीका अध्यक्ष रमेश बोहराको संयोजकत्वमा “ध्यानाकर्षण पत्र” बुझाएका हुन् ।

ध्यानाकर्षणमा प्रष्ट भनिएको छ “विद्यार्थी भाइबहिनीहरुलाइ चर्को भाडा तिरेर घर जानुपर्ने अवस्था त छँदैछ सिट क्षमताभन्दा बढी यात्रु राखेर दुख दिइरहेको छ, यस्ता बस र चालक दुबैलाइ कार्वाहीको माग गरिन्छ।”
अध्यक्ष बोहराले यातायात प्रमुख नरेन्द्र शाहलाई टेलिफोन संवादमा नै यो समस्या राखेको बताउनुभएको छ । प्रमुख शाह ले पनि आफै बसपार्क लगायतका क्षत्रमा पुगेर अनुगमन गर्ने सकारात्मक कुरा राखेको अध्यक्ष रमेश बोहराले जानकारी दिनुभयो ।
अध्यक्ष बोहराले भन्नुभयो “टिकट पनि आफ्नो मान्छेलाई एक भाडा र अरुलाइ बढी भाडादरमा दिएको हामिले जानकारी पायौं, यो विषयमा तत्काल संबंधित निकायले ध्यान पुर्याएन भने विद्यार्थी संगठन आफै एक्सन उत्रीने छ।”

बचन राज जोशी

बचन राज जोशी यस कामना टेलिभिजन तथा कामना टेलिभिजन बाट सञ्चालित अन्लाईन पत्रीकाका सञ्चालक अध्यक्ष हुनुहुन्छ । उहाँ विभिन्न क्षेत्रमा कलम चलाउनुहुन्छ ।

सम्पर्क नम्बर – ९८५८४८८०२४