बुंगलका वडा अध्यक्ष कसुवा बोहरद्वारा मतपेटिका जलाउने धम्की

प्रतिनिधि सभा तथा प्रदेश सभाको निर्वाचन हुँदै गर्दा बुंगल नगरपालिकामा एक व्यक्तिले मतपेटिका जलाउने धम्की दिएका छन् । बुंगल नगरपालिका वार्ड नं. १ का गठबन्धनबाट निर्वाचित वडाध्यक्ष कसुवा बोहराद्वारा मतपेटिका जलाउने धम्की दिइएको हो ।

वडाध्यक्ष बोहराले मतपेटिका जलाउने धम्की मात्र नभई आफ्ना चार भाइ छोरा र अन्य आफ्ना दलका व्यक्तिलाई समेत परिचालनगरि निर्वाचन अधिकृतमाथी समेत हातपात गर्न लगाए तर उच्च सुरक्षाकर्मीको दायरमा हुनाले ठूलो घटना भने घट्न पाएन ।

जनताको बहुमत पाएर निर्वाचित भएका वडाध्यक्ष आफै निर्वाचन आचारसंहिता उल्लंघन गरेर मदिरा सेवन गरि बिहानै मतदान केन्द्र पुगेका त्यहाँका स्थानियले बताए । स्थानियले वडाध्यक्ष बोहरालाई कार्वाहीको माग पनि गरेका छन् ।

बचन राज जोशी

बचन राज जोशी यस कामना टेलिभिजन तथा कामना टेलिभिजन बाट सञ्चालित अन्लाईन पत्रीकाका सञ्चालक अध्यक्ष हुनुहुन्छ । उहाँ विभिन्न क्षेत्रमा कलम चलाउनुहुन्छ ।

सम्पर्क नम्बर – ९८५८४८८०२४